王君馨（Grace）2007年入行后，拍摄多部剧集，不过一直都系做二、三线角色。近年凭住《城寨英雄》饰演花曼、《超时空男臣》饰演太子妃Sandy及《心理追凶Mind Hunter》饰演汪海澄嘅演技获得外界一致好评，好多观众都认为Grace嘅演技比好多女一都好，佢都系时候做女一啦。
无线将会拍摄新剧《是咁的，法官阁下》，剧集王君馨、黄智贤及关礼杰主演，亦喺试造型。Grace终于升呢做女一，虽然有传江美仪都亦份拍摄，边个先系真正担正就暂时未知。不过Grace就话有压力，不过相信黄智贤及关礼杰会照顾佢。
Grace嘅角色已经定咗，佢系做一个去过外地读书嘅内地女仔，后来成为女主播。剧中Grace会做黄智贤老婆，但又同关礼杰走埋一齐，三人会发生一段三角关系。Grace话喺剧中会同关礼杰有亲密戏，已经同老公备咗案，仲搞笑话唔介意老公去探班。
